Die vrou is in elke opsig die man se meerdere, het Petro Botha geglo. Reeds sedert haar skooldae het sy alle mans om haar pinkie gedraai en na haar pype laat dans. As sy die dag trou, sal dit met ʼn man wees wat haar kan oorheers, het sy haar voorgeneem.

Jack Ellis, die bestuurder van haar sakebelange, het byna daarin geslaag, want sy het sag geword in sy omhelsing. Tog het sy liefde vir haar hom swak gemaak en sy kon nie ʼn swakkeling liefhê nie. Toe maak sy kennis met Jan Bosch.

Daar was staal in Jan Bosch se oë, maar sy het voorheen die staal in ander mans se oë ook laat smelt. En hom moes sy sag maak want hy het in die pad van haar planne gestaan. Sy het al haar sjarme en vroulike lis ingespan, maar daar was geen krakie te bespeur in hierdie man van graniet nie totdat sy op ʼn dag gehoor het hoe hy sê vir sy hondjie: "Snoesie-woesie."

Also available on our Facebook page ʼn Pure Man vir Petro